Canović, Čekić, Cikotić i Šahmanović članovi Bošnjačkog vijeća u CG

 

Novi saziv Bošnjačkog vijeća u Crnoj Gori koji će brojati 24 člana, izabran je u četvrtak, u Rožajama.

Elektori su glasanjem izabrali 12 kandidata što je proporcionalno broju mjesta koja su rezervisana za predstavnike Bošnjaka koji trenutno obavljaju važne funkcije u državi, kao što su poslanici, predsjednici opština, lokalnih parlamenata itd.

Članovi Bošnjačkog vijeća po funkciji biće Nihad Canović, predsjednik Opštine Plav i Jasmina Cikotić, predsjednica SO Plav. Takođe, po funkciji, članovi savjeta biće Anela Čekić, predsjednica Opštine Gusinje, Rahman Husović, predsjednik Opštine Rožaje, Almir Avdić, predsjendik SO Rožaje, poslanici u Skupštini Crne Gore Ervin Ibrahimović, Kenana Strujić Harbić, Amer Smailović i Albin Ćeman, predsjednik Opštine Petnjica Samir Agović, predsjednik SO Petnjica Meša Adrović i predsjednica SO Bijelo Polje Nemša Omerhodžić.

Među izabranim na elektorskom glasanju je i dr Bejto Šahmanović iz Plava, doktor medicine i specijalista na kliničkoj radiologiji, zaposlen u Kliničkom centru CG.

Od strane elektora, za članove savjeta izabrani su još i Salko Tahirović, Sabina Muratović, Husein Kurtagić, Suljo Mustafić, Ermin Čindrak, Adnan Muhović, Ejup Nurković, Sead Šahman, Aldemar Ibrahimović, Mirsad Rastoder i Nadil Azemović.